قصيدة حنا الاثنين اخوان واكثر من اخوان
اداء المنشد سمير البشيري
كلمات الشاعر: حامد زيد
كلمات القصيدة
حنا الأثنين أخوان وأكثر من أخوان
لو ماتجمعنا عروق وسلايل
لو نختلف بأسماء وعروق وأوطان
يبقى التشابه بيننا بالخصايل
وأنا ليا مني بغيت أكسب إنسان
أسعى له بكل السبل والوسايل
أعرف كيف أرد الإحسان بإحسان
كيف أحصد بذور الفضايل فضايل
عايش زمن عاصرت به كل الأزمان
ماأعيل بس أكسر ثلاثين عايل
وأن خفت ضعف أخاف ضعف الإيمان
وأن عفت حمل أعاف حمل الجمايل
تغرق شهيد أرحم من تموت عطشان
طيحة شموخ ولاوقوف أمتمايل
الوقت غربه وآخر الدرب عنوان
والعمر رحله والتجارب رحايل
وأنا كثر مالي من الناس خلان
اللي صفوا لي بالشدايد قلايل
شايف حسد؟ قل شايف ألوان
قابلت ظلم؟ إلا لقيت الهوايل
مرات ربك يرزقك خوة إنسان
واحد ويسوى في عيونك قبايل
