المقادير
10 بيض
4/3 1 كوب سكر
2/1 3 كوب دقيق
1 ملعقة كبيرة بيكنج بودر
1 ملعقة صغيرة فانيليا
الطريقة
- يُوقد الفرن على حرارة 180 درجة مئوية قبل البدء في إعداد الكيك.
- يُخفق البيض جيداً في وعاء عميق بواسطة المضرب الكهربائي و يُضاف إليه السكر مع الاستمرار في الخفق حتى يذوب السكر تماما .
- يُخلط الدقيق بعد أن يُنخل مع البيكنج بودر و الفانيليا .
- يُضاف خليط الدقيق إلى خليط البيض بالتدريج مع الحذر أثناء التقليب و التقليب بخفة بواسطة ملعقة خشبية حتى تمتزج كل المكونات.
- يُدهن قالب الكيك بقليل من الدهن و يُرش القليل من الدقيق و نقوم بالتخلص من الزائد منه و ذلك لعمل طبقة عازلة لمنع التصاق الكيك بالقالب.
- تُخبز في الفرن المُوقد سابقاً لمدة 45-60 دقيقة.
- تٌترك لتبرد و تُزين بالكاسترد و الفاكهة الطازجة ، و تُدهن بالمربى المُخففة بالماء
وطريقة ثانيه لكيكة الاسفنجيه فيها البيض اقل ونتيجه حلوه
مقادير الكيكة الاسفنجية :
سته بيضات ( نفصل البياض عن الصفار )
كوب سكر بودرة ناعم جداً
ثلاث ملاعق كبيرة موية بحرارة الغرفة
ملعقة صغيرة فانيليا ( أنا أضيف قشر الليمون بعد بشره وقطرات من عصيرة عشان يقطع زفرة البيض )
رشة ملح
كوب دقيق منخول ويفضل إننا نشيل مقدار ملعقة من الدقيق ونستبدلها بــ نشا
طريقة عمل الكيكة :
يخفق صفار البيض مع السكر والفانيليا والماء حتى يتجانس الخليط
يخفق بياض البيض بعد ( غسل ريش الخلاط جيداً بعد الصفار ) مع الليمون والملح لمن يرتفع ويصير مثل المارنغ ( مثل الكريمة البيضاء )
نرجع لصفار البيض ونضيف عليه كوب الدقيق والنشا بعد نخله ونحركو بملعقة مو بالخلاط لين يتجانس ، ونجيب المارنغ ونظيفو للخليط السابق وبنفس الملعقة نخلطهم مع بعض من تحت لفوق بخفة عشان ما يفش الخليط عندنا
ندهن صينية بمقاس متوسط بالزيت ونغطيها بورق الزبد لنتيجة أفضل ، وندخلها بالفرن لمدة تقريباً 20 دقيقة وكل وحدة وحسب حرارة فرنها
نطلعها من الفرن بعد نضجها ونخليها على جنب لين تبرد
بهالوقت نسوي خليط الكريمة ..
مقادير الكريمة :
علبتين جبنة فيلادلفيا
علبة حليب نستلة المركز كبيرة إللي بحجم الكوب
ظرفين دريم ويب
علبتين قشطة
ظرف جيلاتين ( إللي من دون لون )
طريقة عمل الكريمة :
نخفق الدريم ويب بالخلاط لمن يرتفع ونحطو بالثلاجة
بالخلاط الكهربائي ( إللي زي الكاس ) نحط القشطة والجبنة وحليب النستله ، ونحط الجيلاتين ( بعد ما نذوبو بكمية قليلة و مناسبة من الموية المغلية )
نرجع نطلع الدريم ويب من الثلاجة ونحط فوقو الخليط السابق ونرجع نخلطهم مع بعض لين يصير عندنا خليط كريمي ثقيل ونخليه بالثلاجة
والحين ..
نجيب فراولة كثيرة ونقطعها شرايح ونخليها على جنب شوي
نجيب الكيكة بعد ما بردت ونقسمها نصين بالعرض ونحشيها بالكريمة أو بالدريم ويب بس ونوزع عليها الكثير من قطع الفراولة ونرجع نغطيها بالطبقة الثانية
نشرب الكيكة بعد تغطيتها بأي عصير تحبينو فاتح اللون مثل الأناناس أو عصير فاكهه مشكل بالنسبه لي أستخدم أي عصير وأضيف لو عصير ليمون لأني أحب النكهة الحامضة
الحين نطلع خليط الكريمة من الثلاجة ونظيف لو قطع الفراولة ( نبقي شوي للوجه ) ونقلبو بالملعقة شوي شوي عشان ما تتلون الكريمة بلون عصير الفراولة
نجيب الحين القالب حق الحلويات إللي بقاعدة متحركة تكون أكبر بــ 1 ســم تقريباً أو أكثر من حجم الكيكة
نشيل الكيكة شوي شوي ونحطها بوسط القالب ونسكب عليها خليط الكريمة لين يغطيها من الأجناب ومن فوق وتغطى بقصدير
ندخلها بثلاجة باردة مره لمن أحس إنها تماسكت شوي أجيب قطع الفراولة الباقيه وأصفها على الوجه مع ضغطها شوي لين نغطي الوجه ويمكن إني أحط عليها مسحات خفيفة من الجيلاتين عشان يماسكها ويحافظ على الفراولة من الذبلان ونرجها بالثلاجة لمدة 3 ساعات أو أكثر
قبل التقديم نبعد أطراف الكريمة عن القالب بسكين ناعمة ونفتحها على قاعدة تقديم .. وبالعافية
الصور لكيكه موس الشكولاته
