:
بيت الطفرة من تأليف akatsuki boy

تاريخ انضمآمـﮯ لكم : 01/08/2013

عنوان القصه : بيت الطفره
المصدر : كاتب القصه akatsuki boy
النوع : خياليه !!
التصنيف : كوميدي اجتماعي عائلي
طريقه السرد : حلقات
نمط الكتابه : بالعاميه ( سعودي )
الاقتباسات : انيمي ناروتو - ون بيس - شوجو شارا - بلاك كات وغيرها cross over
القصه لا تمت لاحداث الانيميات الاصليه بصله وهي غير مكتمله بسبب وفاه akatsuki boy
بيت الطفرة من تأليف akatsuki boy Y0l22514

بيت الطفرة من تأليف akatsuki boy Y0l22514

في كل البيوت بالدينا .. تلقى اصناف مختلفه من البشر .. وكل عايله
تتشكل من مجموعه مختلفه من الناس .. الغبي والذكي والدافور والفجعان
والفاهي والعجاز .. ومن الصعب طبعا انك تغير طباعهم فيبقون بعيوبهم
وميزاتهم علشان كذا مافي بيت يتسمى بالبيت المثالي ..بس الاكيد والمهم
والاحلى .. ان اي بيت .. مايستغني عن ولا فرد فيه مهما صار والكل يكون
له بصمه على اللي يعيشون معاه ...

الشخصيات

ملاحظه : تم احضار العديد من شخصيات الانيمي مدمجه مع بعضها وسويت روابط وعلاقات وهميه بينهم
فارجو من الجميع عدم الانزعاج ولا سوالي ليش سويت كذا لان القصه كلها من الخيال وبالخيال كل شي يسير
وان شاء الله مافي شي بيضايقكم ^^

1- شانكس ( ون بيس )
العمر :44 سنه
صاحب هذا البيت الكبير .. وكاي رجال كبير بالسن
مزعج 4 ساعه يحن .. مشغول ليل ونهار .. كان متعود يقضي اغلب وقته برا البيت
الين تغيرت حياته بقدم الوفد اللطيف الى منزله .. شانكس يحب الشاي ويحب ينام الظهر بالصاله
واكره ماعليه يسمع صوت صكه الباب بقوه .. والكتابه على الجدارن..و افياش السلك المتشربكه مع بعض

2- ساكورا ( ناروتو)
العمر : 21
بنت شانكس الوحيده .. تدرس بكليه الطب .. كالعاده ساكورا دافورة وشخصيتها قويه وعصبيه .. ومدللـه عند ابوها
ويلبي لها كل طلباتها .. اصلا ياويله لو مالبى لها طلباتها هههههههههههه دايم كانت تشتكي من البيت انه فاضي
وكئيب لين يجون الوفد اللطيف ويقلبونه فوق تحت .. وبتتضايق منهم بالبدايه .. بعدين بتحبهم وبتحس بالجو الاسري

3- اينو ( ناروتو )
العمر : 21
صاحبه ساكورا الروح بالروح ومعاها بنفس الكليه .. بيضطرون اهلها للسفر لمده طويله برا البلد .. وبحكم دراستها
ماتقدر تسافر معاكم.. فيعرض عليها شانكس انها تسكن عنده بعزم ان البيت فاضي .. وتسير وحده من اهل البيت المصون
اللي بتنبسط فيه مره من اعزائنا الوفد الكريم << لاتقولون وشو الوفد الكريم واللطيف الحين بتشوفونهم ههههههب

4- شوكي ( فصيله السلاب << الكلاب )
العمر :5
كلب اينو الاليف الظريف وهو مايشبه بوبس لاا هههههههههه هو نبيه مره وذكي بس باوقات غل
اسم الكلب شوكي .. بس بامر الوفد اللطيف .. بيسير له 100 اسم دايم متحمس ويعاوي
وساعات يسير منه فايده .. ديرو بالكم انا قلت ساااااااااعات مو دايم -_-

5- سايا ( بلاك كات )
العمر : 24 سنه
بنوته عاطله عن العامل عزبه .. استئجرها شانكس علشان تكون مدبره المنزل بحضور الوفد اللطيف وتكون مشرفه على الاكل والترتيب
وكذا ..بيدها مفاتيح البيت وساعات بالرشاوي يحصل الوفد اللطيف على المفاتيح بسبب لطف سايا الزايد عن اللزووم والبيت بدونها
عفسه ومقبره
مؤجرين بيت الطفر ه

1-ديدارا ( ناروتو )
العمر : 22 انا هههههههههههههههه الشخصيه الرئيسه بالقصه والرواي لها << يافديتني يانا
قادم مع شباب الانس ساسوري وايتاشي والزمن الاغبر رماهم على بيت الطفر .. لانهم عجزو يلاقون مكان ثاني
ددور كالعاده عصبي وثرثار واربع وعشرين ساعه يتهاوش ..

2- ايتاشي ( ناروتو )
العمر :24
حبيب الملاين هههههههههههه اتوش يعود من جديد مع المزيد من الفهاوه والغباء وهو جاي معا ديدو وساسو
علشان المهمه اللي كلفت لهم من كونوها << من الخبل اللي حاطه معانا-_- وطبعا بتكون وظيفته الاساسيه
هي التسدح والنوم اما بخصوص كلمته الجديده فهي " الله بالخير "

3- ساسوري ( ناروتو )
العمر: 25
ساسوري هالمره لامفهي ولا فيه زهايمر .. الاداج وصايع وحركي ويحب الفرفش والوناسه وجاي معانا انا واتوش
علشان نسوي المهمه .. وهذا وجهي ان تمت المهمه ..طبعا ساسوري هوايته الهرب والصياعه .. ويكره احد يستعمل
اغراضه مشطه شامبوه لابت توبه << من زينهم عاد ..وبيسير اكثر واحد فينا متحمس لجو بيت الطفره باللي فيه

4- لوفي ( ون بيس )
العمر :22
صديق ايتاشي الروح بالروح وتوم روحه .. طبعا هو مايعرفه ولا شي .. لاكن بالنظر الى الطوول والغباء بيكونان ثنائي
غريب عجيب ومحد راح ياكلها الا شانكس طبعا .. لوفي هارب من العداله ..بتهمه انه سرق بنك بصبحه اخوه ايس .. وكان
بيت الطفر محظوظ باستقبالهم .. وبطريقه او باخرى .. بيضطر شانكس يستضيفه عنده في بيته

5- ايس ( ون بيس )
العمر :27
اخو لوفي .. وشريكه بالجريمه السودا ..واحد سكان بيت الطفره ..ايس من النوع اللي يحب يتباهى ويحب يستعرض ويسوي حركات
خصوصا قدام البنات : اينو وسايا .. ورغم لامبالاته بس قلبه طيب .. ومايحب يشوف احد متضايق

6- جوينجي ( انزوما ايلفين)
العمر :19
لاعب منتدب لفريق المدينه اللي فيها بيت الطفره لمده مؤقته .. وهالفريق اللي بيلعب معاه كان بالنسبه له حلم وفرصه يتمناها من زمان
جوينجي رزين وهادي ومؤدب ونقدر نقول انه الوحيد اللي منه فايده بالبيت كله .. بس هذا الشي مو دايم طبعا ..لان على قولتهم
ياما تحت السواهي دواهي

7-فوبوكي ( انزوما ايلفين )
العمر : 18
صاحب جوينجي وجاي معاه بخصوص الانتداب طبعا هالشي سار بالواسطه لان ابو فوبوكي غني ودبرها له .. فوبوكي هو الند الوحيد لطواله لسان
ديدارا .. وهو اللي بيقعد له بالوجه ..زي مايقولون يسلط افه على افه .. فوبوكي مغرور 24 ساعه يتذمر .. وماحده على بيت الطفره
الا رغبته بانه يكون عايش باجواء بيت عائلي لان الفناق ممله بنظره ومافيها اكشن ....

8- امو ( شوجو شارا )
العمر :15
امو بنوته لطيفه جايه من مدينتها اللي نظام المدارس عندهم بفلوس علشان تتدر بالمدينه اللي فيها ايضا بيت الطفره .. وجايه بصحبه
صديقتها كوناتا .. امو مرحه وتحب الفرفشه والوناسه .. وبتسير تحب بيت الطفره اكثر من بيتها .. نظرا لانها كانت عايشه عند ابوها
البخيل اللي ارسلها علشان تكمل دراسه المرحله المتوسطه ببلاش

9- كوناتا ( لاكي ستار )
العمر :15
صديقه امو وجايه معاها بس مو لنفس السبب طبعا .. ابو كوناتا متوفي وامها مشغوله عنها مره لانها دكتوره .. فاضطرت ترسلها مع امو
علشان يعيشون في بيت يكون مليان ويكون في احد يدير بالها عليه .. كوناتا انسانه فاهيه وعبيطه ومتاثر مره بماده التاريخ اللي
تدرسها..وبعنادها على غباءها بترفع ضغط كثير من اللي موجودين في البيت

10-كوشينا (ناروتو )
العمر:27
كوشينا احدى وافدي بيت الطفره هربا من زوجها اللي اساء معاملتها في يوم وتعدى عليها بالضرب لين حالفها الحظ وقدرت تهرب منه
وبتترجى شانكس يخشها عنده لين ماتشوف لها حل .. وطبعا بوجود الشباب الواعد في البيت .. مستحيل احد بيقرب على كوشينا ولا
بيمد يده عليها

11- دايشي ( شوجو شارا )
العمر : 4 سنين
دايشي .. او دايثي مثل ماهو يقول ..ولد كوشينا ..وجابته معاها علشان المشاكل اللي سارت بين امه وابوه .. وهو الثغ يعني ماينطق
لاسين ولاشين .. وهالشي مو دلع .. لا لان ابوه دفه من الدرج وهو معصب . وطاح على لسانه .. دايشي شيطان درجه اولى .. ونص العفسه اللي
بتسير بالبيت بسببه هو .. بس حلو . الاطفال يسوون جو وعلشان خاطر امه اللي مو مقصره باحد ..بيصبر الكل عليه
اذا
هذولا هم الاولاد

وهذولا هم البنات

وطبعا اكيد .. القبيله ذي مابتنام بالشارع .. لذا اليكم اجزاء من صور بيت الطفره
ملاحظه : الصور اللي جايبها ترى بشكل عشوائي من النت يعني اللي مصور بيته وحاطه بمنتدى
لايستبعد يلقى الصورة هنا هههههههههههههههههههههههه واسف لو حصل مني تعدي ^^
صور بيت الطفره

بوابه البيت ادخلو برجلكم اليمين << كف

حوش البيت << وناسه اهم شي الحوش

مدخل البيت .. هذا طبعا قبل لايسكنونه المطفرين ذلي ويتحول الى خراب هههههههههههههههههههههههههههه

بيت الطفرة من تأليف akatsuki boy 9W413086

اجمل مكان في العالم كله كله كله .. لو يقولون نام بالمطبخ ماقلت لا << قول والله ؟؟؟

بيت الطفرة من تأليف akatsuki boy MUa13086

الصاله العموميه .. هذا المكان اللي يتجمع فيه العيال اغلب الوقت << الله يعين سايا على التنظيف بس

غرفه الاستقبال الي يستقبل فيها شانكس ضيوفه .. علشان كذا هو يسكرها بمفتاح علشان ماتتعرض للاقتحام
وطبعا على مين يابابا ؟ على المطفرين ؟ هههههههههههههههههه يامسكين ياشانكس

غرفه البنات .. طبعا البنات عقب العصر اذا البيت مافي اولاد يدخلون هنا ويجلسون على الشاي والقهوى
والحش

وهذا الحوش الخلفي .. فيه مسبح بس محد بيستانس -_- الله يهديك ياشانكس مسوي مسبح يكفي دايشي بس ياليل -_-

الطابق الثاني

ردهه الطابق الثاني << تعب على ردهه

غرفه شانكس << العيون كلها على الغرفه لانها غرفه مالك البيت والكنوز موجوده فيهاهههههههههههه

غرفه كوشينا ودايشي

غرفه سايا >> كئيبه مره ماتنلام -__-

غرفه سويكر و نونا - اينو -

غرفه فوبوكي وجويجني

غرفتي انا والسلنتح اللي معي هههههههههههههههههههه طبعا اللي ينام تحت ايتاشي -_- _ ديدارا ايتاشي وساسوري -

غرفه لوفي وايس

غرفه امو وكوناتا << ازين غرفه لحد الان

باث البنات <<< لازم وردي لازم يعني -_-

باث العيال هههههههههههههههههه طبعا واسع وملكي ولحد يعلق طيب ؟ << الله ياخذك ياشانكس بيت شطوله مسكر الباثات كلها ليه 0_0

كانت هذي مقدمه ؟
عجبتكم ؟ تحمستو ؟

تاريخ انضمآمـﮯ لكم : 01/08/2013

[ltr]store 1
((16نفر في البيت ))

[/ltr]

[ltr] [/ltr]

[ltr]
في يوم جميل << من اولها كذب -_- ايه جميل جدا نشوف ... وبعد ماوصلنا للمدينه المنشوده .. واللي ارسلنا لها بوس شاورما
علشان ننجز مهمه طويله .. قعدنا نلفلف انا وساسو واتوش الخبل على اساس نلقى مكان يصلح للسكن البشري
ولكن هيهات .. طبعا وين يحالفني الحظ وهذولي معي << لاتلومونه مقهور من زمان ماسار بطل قصه
المهم .. في وحده من الحاراات .. حطينا شناطنا على حافه الطريق ناخذ نفس تعبانين يامساكين يااحنا[/ltr]

[ltr]
انا ( قعدت فوق شطنتي ) : يااسااااااااااتر على اليوم وش هذا 0_0 .. الى متى بنقعد نفتر ونلف وندور ها ؟
ساسوري ( يصارخ وصوته مملي الحاره ) : يابشر .. ياعاااااااااااااااااااااااااالم وش جاكم ها ؟
ليه محنا لاقين مكان نسكن فيه ؟ فينا جرب ؟ فينا مرض ؟ انفلونزا الخنازير ؟؟ ( ويفصخ النعال ويرميه بوسط الشارع )
ايتاشي ( قاعد ياكل شبس ويغني وقاهرني ودي اصفقه كف بس تعوذت من ابليس ): اتوشي وددور مره .. راحو عابيت الجيران ^^
الله بالخير ياايتاشي ....ماشافوني من زمان^^
ساسوري ( راح يجيب نعاله اللي رماه ) : معقول ياجماعه معقول ؟؟ الحين لاشقه ولا عماره ولافندق وسكن عمال ولاحوش واصطبل
رضى يستقبلنا ؟ ليه .؟ 0_0 وين ننام بالشارع ؟؟
انا ( اكل شبس من عند اتوش) : تعال بس اجلس لاتقعد تصارخ تفشلنا ... انا لله ..استخف الرجال وقعد -_- - استخف يعني انجن -
ايتاشي : الله بالخير ياشباب .. ممكن اسئل سؤال ؟ ^^
انا : لا الله يعافيك خليك منطم-ساكت- ولا اسمع حسك اوكيه
ايتاشي :ادري بس مااتلاحظون اننا ندور من ثلاث ايام ندور ندور ندور ومالقينا مكان ننام فيه ؟ ياترى ليش ؟ 0_0
انا : لا والله اكتشاف .. سبحان الله .. كنت اشك انك غبي .. بس طلعت غلطان .. انت الغباء يستقيل والسبه انت
ساسوري ( رمى النعال على ايتاشي ) : انتا ياهيييييييييييييه .. وش تبينا نسوي لك ؟ نصفق لك ؟ اعرف اننا في الشارع
من 3 ايام .. ندور زي المجانين ( يخنق ايتاشي ) الله يخليك ارحمني ماني ناقصك @_@
انا ( احاول افك ايتاشي من ساسوري ) : انت الثاني بعد .. فك الرجال الحين لايموت علينا .. مانبي ننام في السجن اليوم
ساسوري ( معصب مره ) : ماعليه .. ادخل السجن على الاقل القى سرير انام فيه @_@ حرام عورني ظهري من النومه على الارض
ايتاشي : الله بالخير .. ترا ديدارا قال سجن مو فندق باريس هليتون ^^
ساسوري ( بيعطي ايتاشي كف): بذبــــــــــــــــــــــــــــــــــــــــــــــــــحك

شانكس ( متكتف ) : انتم لو سمحتو .. تراكم ازعجتونا .. الساعه 6 الصبح ونبي ننام ..ممكن تسكتون ولا تروحون من هنا ياوجع انت وياه
ساسوري : ماشاء الله .. حتى في الشارع بتطردنا ؟؟ وش نسوي نطير يعني نشرب كلوركس ؟ نموت ؟ @_@
ايتاشي : انا مره شربت كلوركس حسيت اني نظيف من داخل والله الله بالخير ^^
انا ( اكلم شانكس ): اقول يالطيب ماتلقى لنا مكان يسكن عزابيه هنا ؟؟؟
شانكس : ان شاء الله تبيني ادور لك ؟ لا مااتوقع فيه .. والله حاله
انا : طيب اكيد عندك بيت انت صح ؟؟ وش رايك ياوسيم انتا تضفنا- تستقبلنا - عندك كم يوم .. وبندفع لك والله ^^
شانكس : لا والله حرزت ؟ انا مجنون احطكم عندي 0_0
ساسوري : لاتسير نذل والله بندفع لك والله -_-
ايتاشي : كذابين تراهم ماعندنا فلوس ولا شي ^^ ( ويجيه كف مني ومن ساسوري )@_@
انا (قعدت اتبكبك ) : الله يخليك تكفى .. مستعد اغسل الصحون مستعد اسوي اي شي -_- بس خذنا عندك
ساسوري : نسوي لك اي شي بس داخلين عليك ارحمنا بس بليز
شانكس ( كانه انكسر خاطرنا ): -_- وليه وش هالمصيبه اللي نزلت علينا من الصبح
ايتاشي ( واقف يضحك علينا ) : والله الدنيا غداره .. خلت هالمساكين - يقصدنا - يترجون ويتوسلون .. الله ياخذ الحاجه << ولا كانه معانا @_@
انا : تكفى يااعم انت والله اوسم واحد في الدنيا كلها ^^ .. مافي منك .. تكسب فينا اجر
شانكس : بس مؤقت @_@ ؟؟
ساسوري وانا : ايييييييييييييييييييييييييييه ^^
ايتاشي ( قام راح مشى ) : يللا على بركه الله ( وراح طريق ثاني )
انا : هههههههههههههه ايتاشي.. وش دراك وين مكان بيت الرجال ؟؟؟
شانكس : صاحبكم هذا فيه شي ؟؟ 0_0 ؟ من صدقه ؟
ساسوري : الا قول وش بقى مافيه .. ماعلينا ياعم ودينا لبيتك تكفى بليز ^^

ورحنا مع هاللي اسمه شانكس ..لحد بيته .. وطلع كبييييييييييييييييييييييييير0_0 << من عينك ياددور بيطيح البيت باذن الله -_-
اناماادري ليش الناس فسقانه كذا - فسقانه يعني مبذره - عندها بيوت كبيره ومافيها الا نفرين .. والواحد لاسار عنده 20 مخلوق
يسير بيته غرفتين وحمام -_- والله الدنيا غريبه
الموهيم ماعلينا نرجع للقصه صدق اني ماانعطى وجه ههههههههههههههههههههه << على فكره .. في بنتين حلوين يراقبونا من بعيد شعرهم ازرق ووردي
ياترى مين هم ؟؟؟
عند باب البيت .. كانت اينو توها جايه ومعاها شنطتها وكلبها المتحمس ويعوي [/ltr]

[ltr] [/ltr]

[ltr]
اينو ( مستغربه ) : مرحبا عمي ؟؟؟ ياترى من هذولي ؟
شانكس ( يفتح باب البيت ) : هذولي ؟؟ -__- هذولي دعوه امي علي
ساسوري ( يغازل اينو ) : هلا بالقمر .. وش هالوجه الحلو ^^
اينو ( انبسطت ) : ^^ ها ؟ انا ؟
شانكس ( يمسك ساسوري من رقبته ) : امش قدامي اشوووف @_@
ايتاشي (يكلم شوكي ): ياكلب ؟ انت كلب ؟
شوكي ( يدخل جوا مع اينو رافع خشمه ) :الحمدلله والشكر بس ربي لاتبلانا
ايتاشي : 0_0
ويوم دخلنا البيت ...
ساكورا ( ماسكه كتابها ) : @_@ يبا ؟ وش هذا ؟؟ من هذولي ؟
انا ( اتطنز) : نحن البائسون المساكين الفقراء الى الله
شانكس : ماعليش ياحبيبتي هذولي ناس مجنن قلت اكسب فيهم اجر لاتتضايقين كم يوم ونقلعهم
ساكورا : يعني بتحطهم في بيتنا ؟؟ 0_0 بيزعجوني عن المذاكره << ياكذابه لاتذاكرين ولا شي بس عياره
ساسوري : بسم الله على عمرك مذاكره ها ؟ .. @_@
ساكورا ( رفعت اكمامها ) :نعم ؟؟
اينو : ساكورا هدي اعصابك وش جاك ؟
شانكس : خلاص ياساكورا اللي تبينه بيسير بس انتي هدي ^^
ساكورا : ييللا اينو نرقى فوق .. استغفر الله على هاليوم الشين @_@ ( وترقى فوق )
اينو : شكرا ياعمي ^^ على الاستضافه استئذنك
شانكس : اذنك معاك -_- ياربي هالبنت زعلتها تذبح -_-
ايتاشي : والله حاله .......... هذا الانسان مسوي اسد علينا وبنته مو قادر يسكتها ... الله بالخير بس هههههههههههههههه
شانكس : انا بروح ادور لكم مكان تنامون فيه .. استنو شوي ( وقعدنا على الارض حطينا شناطنا وجلسنا فوقها ) << ابي اعرف وش جوا
هالشنط بس هههههههههههههههه اللي يسمعهم مسافرين لندن
ساكورا ( نازله من الدرج تكش علينا ) : ييللا يابابا انا طالعه @_@ ( وطلعت)
اينو ( نازله ويا ساكورا ) : عمو نبي اليوم ناكل كوشري
شانكس : ان شاءا لله بس انتو لاتتاخرون
ايتاشي : ماشاء الله شانكس تعرف تطبخ ^^
انا : والله ان انطردنا من هنا قسم بالله ليكون اخر يوم بحياتك @_@
ساسوري : يعطيك العافيه شانكس .. بصراحه بيتك هذا بمثابه سكن للعمال ^^
شانكس : تفكرني فرحان ويا وجهك -_- يللا دقيقه اروح اشوف لكم اي غرفه اي جحر احطكم فيه

........ ( صوت بنت صغيره ) : عمي ممكن نسكن معاكم ؟
ساسوري ( فاطس ضحك وهو يطالع البنتين ) : ههههههههههههههههههاي انقلب سكن العمال لادار ايتام
شانكس : من انتي واياها ؟ 0_0
امو : انا اسمي امو وهذي كوناتا .. ماعليش نسكن عندكم
كوناتا( نايمه وهي واقفه ) : -_-
شانكس : وش مفكره بيتنا روضه ؟؟؟ يللا ياماما روحي بيتكم
امو( شوي و تصيح ) : الله يخليك عمو تكفى عمو بليز عمو بالله عمو ارجوك عمو قومين عمو
انا : سوال رمضان كم مره قالت هالفتاه عمو .. جاوب واربح سياره في اخر رمضان << انت عندك سيارة ددور ؟
كوناتا ( تصحصح وتشيل الشطنه من فوق راسها ) : يعني انت الله يهديك ياعمي .. لو احنا عندنا بيت بنجي نجلس عندك ..احنا جايين
من بلدنا علشان ندرس ومو لاقين مكان ..واحنا ماقلنا اطلع برا بيتك وقعدنا .. نبي بس غرفه
انا : اخس ماتمزح ام شعر ازرق 0_0
شانكس : 0_0 وانا مسؤول عن ابو جدكم اللي جابكم ؟
امو : ماتوقعت ان مافيك انسانيه .. طيب وش معنى هذولي تسكنهم واحنا لا
ساسوري : ياشين الحسد ههههههههههههههههههه ان شاء الله مايسكنكم
كوناتا : لاتخاف بندفع لك والله << الكل يهايط - يعني يسوي فيها محد قده - يقول بدفع بدفع نشوف هههههههههههههههههههههه[/ltr]

[ltr] مرت ثلث ساعه واحنا جالسين عند الباب فوق شناطنا[/ltr]

[ltr]والبنات امو جالسه على شنطتها .. وكوناتا حاطه الشطنه ونايمه عليها[/ltr]

[ltr]

ايتاشي يغني ( يغني من الطفش ) ياطييييييييير ياضاوي الى عشك .. قولي
متى تضوي .. الى عشي .. مليت انا .. هذه العيشيه .. قلبي .. من الفرقــــــــــا
اها..
انا وساسوري وكوناتا النايمه وامو ( بصوت واحد ) : كماالريشـاااااااااااااااه ^^

لوفي ( يدخل من الباب معاه كيس) : سلام علاااااااااااااكم
انا : وعلاكم سلاااااااااااااااااااااااام
لوفي : وين صاحب البيت ؟؟؟
انا ( بكل ثقه ) : نعم انا صاحب البيت ^^
امو : الكذب يودي النار ياانتا -_-
ايس ( دخل وبايده سقاير ) : امممممممم صاحب البيت ومنسدح عند الباب ليه ؟
ساسوري ( انسدح ) : نستقبل السفراء ههههههههههههههههه
شانكس ( توه نازل من الدرج بعد مادبر لنا غرفتين ) : يللا يااسلنتح انتو خذو ( وانتبه على وجود اثنين ) 0_0
لوفي : سلام عليكم يااخ .. جينا نقعد عندكم ؟
شانكس ( ضغطه ارتفع ) : تقعد عند مين ؟؟ 0_0 ؟؟ بصفتكم ايش ؟؟
لوفي : انت ماتعرف الاجر اللي بيجيك لاخشيت حراميه هاربين من الشرطه ؟؟ -_-
شانكس : انا اعرف الستين داهيه اللي بتجيني من وراكم0_0 .. يللا برا اشوف ..يللا مااسكن احد انا
ايس : طيب وليش هالاغبياء اللي منسدحين اللي على الطريق وشو ؟اكيد حراميا
ساسوري : بدينا بالغلط ؟؟؟ @_@
انا : كلن يرى الناس بعين طبعه .. مو كذا يااخ ابجوره نمبر 2 - نمبر ون ايتاشي -
ايتاشي : انا عن نفسي موحرامي .. بس يعني قص علي ابليس ودخلت البقاله من الشباك وسرقت كم كاكاو .. لاتلوموني الجوع كافر << الله بالخير بس ؟
لوفي : انا بعد سويتها .. بس بالموت دخلت رجولي هههههههههههههههه
شانكس : مافي تفاهم .. تسمعون ؟؟ انا ماابي اسكن احد فاهم انت ولالا ؟
ايس ( ياشر علينا ) : وهذولي مب احب يااعم ؟
كوناتا : احنا مو احد احنا ثلاثاء ههههههههههههههههههههههههههه
ايتاشي : حرام حرام سكنهم .. الدنيا حلوة والله بالخير ^^ << البيت بيت ايتاشي واحنا مادري
شانكس : وشو 0_0 احط حراميا عندي ؟؟؟
ايس : احنا بندفع لك اللي تبيه واللي تامر عليه بس سكنا
ساسوري : طبعا حراميه عندكم فلوس الدنيا
امو : وش رايكم تدفعون لنا وانسير اصدقائكم << ياساتر -_-
شانكس ( شوي ويصيح ) :-_- انا لله وانا اليه راجعون .. دقيقه اروح ادور لكم غرفه بعد ..[/ltr]

[ltr] [/ltr]

[ltr]
...... : دور لنا غرفه بعد الله يخليك عمي
امو ( تتفرج على الاثنين اللي جو ) : من هاللي واثق انه بيسكن معانا0_0
كوناتا : طبيعي بيوثق .. مو عمو حقك خذا سكن كل من هب ودب .. بكره يجي اوباما يسكن معانا <<< اوباما فاضي لكم ههههههههههه
انا ( قاعد احاول اتذكر من هذولي بعدين تذكرت ): ووووووووووووووووووووووووووووووووووووووع @_@ انزوما ايلفين
فوبوكي ( قام يطالعني بحقد وقال ) : وووووووووووووووووووع ناروتو @_@
انا : الحين ماادري انتم وش تبغون .. وش هالانيمي البايخ اللي عليكم .. واحد يطلع يضرب نار.. والثاني يسوي ضربه ثلج .. ليه مكيف الاخ وانا ماادري .. مافي اي واقعيه
فوبوكي : بسم الله على قلبك واقعي .. اجل انتا .. 700 فم في يدك .. ولا خليت لا سحليه ولاعصفور ولابوما ماسويتهم .؟ ساير حديقه حيوانات متنقله
انا : -_-
ايتاشي ( ميت ضحك ): هههههههههههههههههههه اول مره احد يسكت ديدارا ... الله بالخير بس
ساسوري : والله ددور صادق اجل انت وصاحبك ذا اللليــ ...... 0_0
جوينجي ( مسك ساسوري ) انا ايش ياحبيبي ؟ ^^
ساسوري : لالا ولاشي -_-
ايتاشي : ياخوافين انتا وياه هههههههههههههههههههه
امو ( خقت ) : انتا انتا ... انت جوينجي ؟؟ انت اللاعب جوينجي المشهور ؟
جوينجي : يب انا ^^
امو ( ضمت ايديها ) : انا مره معجبه فيك .. انا ماني مصدقه اني اشوفك
فوبوكي : انا انا مشهور بعد تعرفيني ؟؟ ^^
امو : لا ماقد شفتك سوري ههههههه ^^
فوبوكي : 0_0
انا وساسوري واتوش ( متنا ضحك ) : هههههههههههههههههههههه
كوناتا : علشان مره ثانيه ماتقط وجهك ياعسل *_^
ايس : ها ياعم واقفت على عرضنا ؟؟
شانكس : امري لله ..-_- اصلا اخاف اسكنكم تقتلوني بعد
ايس : كويس انك عرفت يابطل ^^
لوفي : احنا بنتقلك شوي شوي لاتخاف ^^ مابنعورك
شانكس : لا انا تطمنت بصراحه ............ -_- وانتا ياولد انت وياه @_@ انتو لاعبين كورة وعندكم فلوس ليه ماتروحون تنامون بفندق
جوينجي :والله الفندق طفش ياعم -_- نبي بيت وعايله وحس مانبي نقعد لحالنا .. ونجلس ناكل من ماك كل مره
فوبوكي :عمي نبي جناح انا بغرفه وجوينجي بغرفه .. لاني مااطيق انام مع ابو الهول هذا
جوينجي ( كاد له) : طيب طيب
شانكس : انا ماعندي لاجناح ولا عندي منقار .. كل واحد بياخذ له غرفه ولايكثر بس @_@ (يسمعون صوت حرمه تبكي برا )

طلع ايس وساسوري ولقو حرمه تركض .. وتعبانه وتبكي وبيدها ولدها

ايس ( يحاول يساعد الحرمه ) : وش فيك وش صاير
ساسوري : وش صاير لك ؟؟ تكلمي
الولد ( يتكلم وهو يبكي ) : بابا .. بابا بيموتنا .. بيضربنا ..مثك امي وبغى يحرقها
ايس وساسوري : 0_0
كوشينا : داخله عليكم .. تكفون خشوني .. بيذبحني والله

وبعد مادخلت كوشينا مع ولدها .....

امو ( تطبطب على كوشينا ) : لاتزعلين ياخالتي لاتزعلين
كوناتا ( معصبه ) : هدوني عليه الخايس .. حلفت تهدوني حلفت اكسر راسه ...@_@
لوفي ( ياكل ايس كريم ) : محد ماسكك .. روحي طقيه هذا ان عرفتيه هههههههههههه
كوشينا ( قاعد على الكرسي تبكي ) : انا اسفه ماقصدي ادخلكم بمشاكلي
شانكس : وليه -_- والله حالتك حاله
انا : من هالحيوان اللي يسوي فيها كذا .. لدرجه تطلع من بيتها 0_0
كوشينا ( ترتعش): انا خايفه .. خايفه يجيني
جويني ( يمسك كتفها) : لاتقلقين ^^ انتي هنا .. وان جا سوا فيك شي ماراح نخليه
فوبوكي : ياشين اللي مسوي فيها شهم @_@ .. على العموم ان جا قسم بالله لاننتف ريشه
ايتاشي ( حاضن دايشي ) : وانت ليه مادافعت عن امك يالله بالخير ؟؟
دايشي : مااقدر انا هو طويل مره ذيك -زيك - انت تثبه الثجره - تشبه الشجره
ايتاشي : -_-
كوشينا (خذت ولدها ومسحت دموعها ) : انا اسفه .. انا ماابي اورطكم معي .. انا طالعه
شانكس : تعالي استهدي بالله بس وين بتروحين على هالظهر ..يمكن هو برا
ساسوري : خليك اقعدي هنا لين هالخايس يروح
انا : انتي وين بيتك كوشينا ؟؟
كوشينا : من الحاره الثاره الثانيه انا جايه
كلنا : 0_0
شانكس : قاطعه المسافه كلها مشي من هناك ؟؟
دايشي : بيتكم كبير مره بنعيث فيه
ايس : يب شانكس .. خليهم يقعدون عندنا لين نشوف لهم صرفه .. حرام انت مافيك ذره انسانيه
جوينجي : لو تبي تحطنا كلنا بغرفه احنا جاهزين بس يكونون معانا
شانكس : -_-
الكل : ارجووووووووووووووووووووووووووووووووووووووووووووووووووووووووووووووووووووك[/ltr]

[ltr] [/ltr]

[ltr]شانكس : خلاص اجل .......

[/ltr]
[ltr]وهكذا .. شانكس استضاف في بيته 11 نفر لا ثاني عشر لهما << بدينا بالتفلسف
اوه صح .... لسه لسه .

ساكورا ( مبققه عيونها ومو مصدقه وقاعده تشوف ) : ياترى هذا بيتي ؟ 0_0 معقوله ؟؟ يبا ؟؟ انا رحت الجامعه على اساس انهم 3
رجعت لقيتهم 11 ؟ ليه يبا ليه
اينو ( تعدهم ):وناسه مره عمي .. هذولا اقاربكم ؟؟؟ وش جابهم ؟؟
شانكس ( خايف من بنته ) : ياحبيبيتي ياساكورا القصه ومافيها ^^
سايا ( داخله مع الباب ) : مرحبا هذا بيت شانكس ؟؟ ^^ انا مدبره المنزله اللي طلبوتها
شوكي : عووووووووووووووووووووووووووووووووو
اينو : واكتملت الحفله ^^
[/ltr]

[ltr]***********************
ياترى وش راح يسير بالشباب في هالبيت
وكيف راح يكونون
هذي كانت البدايه
تابعون[/ltr]

تاريخ انضمآمـﮯ لكم : 28/09/2013

قصه جميله اكملي

تاريخ انضمآمـﮯ لكم : 01/08/2013

STORY2
"فوضى !!"

نمنا ذيك الليله الاولى بالغرف .. الفاضيه طبعا.. كل واحد فينا متوتر ..طبعا
هالمكان ماهو مثل البيت وراحته ...اكيد طبعا ..بسم الله على بيتي وغرفتي .. اجل
بنام مع ايتاشي كل هالمده -_- الله بالخير بس ؟!
طبعا ثاني يوم قمه الحماس .. رحنا شرينا اثاث للغرفه اسره ودولابيت .. وطبعا
كل واحد يدفع من قده

في الطابق الثاني ..

شانكس ( قاعد على الكرسي يتفرج على المطفرين يشيلون الاثاث لغرفهم ) : يللا ياولد يللا
مااشوف اغراضكم برا غرفكم ولا الله ارميها
لوفي ( يشيل السرير ويا ايس ) :سلام معلم ادعي لنا ( ويدخل الغرفه )
شانكس : ياثور انتا وياه هذي غرفتي روحو الغرفه الثانيه -_-
كوناتا ( شايله مكرويف ) : اهم شي ماجوع بالليل ^^
شانكس : 0_0 تعالي تعالي .. وين وين .. مكرويف بغرفه ؟
كوناتا : شلون يعني مااناكل ؟؟؟ -__- افرض مثلا جعت ؟
شانكس : نزلي الميكرويف تحت اشوف @_@ بتحرقين لي البيت انتي الظاهر
كوناتا : والله ان مت جوع ذنبك على جنبك
شانكس : اللي يسمعك الحين المطبخ بالحاره الثانيه ... ييللا ياشطار الكل يحرك
يللا خلصو اليوم ..
اينو ( تجي تجلس جنب شانكس ) :سوري يااعمي والله شكلنا ازعجناك ...بقوه
شانكس : الله اكبر يعني لوم اانتي ازعجتيني اكيد الاخوان اللي هنا بيزعجوني خاربه خاربه والله
اينو : والله قلبك طيب ياعمي.. بقوه هههههههه بس شكلهم كيوت بقوه بيسوون جوومنها تربح فلوس
شانكس : فلوس ايش وصاحبتك ساكورا تخلصهم بدقيقه .. الا وين كلبك ماادري وش اسمه شوكت
اينو :ههههههههههه شوكي ... برا يلعب بالحوش
شانكس : احسن خليه برا لايدخل يوصخ كافي الازعاج اللي عندنا
ايس ( طالع من غرفه شانكس ماخذ ساعه الحيط ): ايوه كذا ديكور غرفتنا يكمل ^^
شانكس : رجع الساعه ياحرامي @_@ انت وياه اللي اخذ يرجع واللي دخل يطلع @_@
لوفي( ماخذ السجاده من الصاله ) : هذي ايس تنفع للغرفه صح ؟؟
شانكس : اللي اخذ يرجع .. انا اتكلم ياهووو
ايس : لاتنسى التلفزيون بعد جيبه علشان مانطفش
اينو (ماتت ضحك): ههههههههههههههههههههههههههههه ولا كانك تكلم احد
شانكس ( يمسك لوفي ) : وش رايكم بعد تحطون الفرن عندكم والغساله والكنب... واطلع انا واخلي البيت لكم
لوفي : يكون احسن .. ^^ .. اقصد ها ؟ 0_0
ايس.: يعني الحين بتقنعني . انك تستمعل هالكنب .. وهالساعه .. ولا بس نحاسه ؟
شانكس :كيفي عاد بيتي وبيتي رجع الاغراض لاسلمكم للشرطه اشوف ... يللا اللي اخذ يرجع والليدخل يطلع @_@
دايشي ( جا جلس جنب شانكس ) : واللي ثاطر وث يثوي - شاطر وش يسوي - ^^
شانكس ( يمط خدود دايشي ) : يروح يجلس عند امه ^^
دايشي : واللي مايبي يروح عند امه وث يثوي -__-
شانكس ( عصب ) : روح اجلس عندا مك لايجيك كف @_@
دايشي ( نزل من الكنب وضرب شانكس ) : عمو ثانكث .. انت خايث مع احترامي -_- مع الثلامه
شانكس : طيب يااحترامي -__-

عند غرفتنا انا واتوش وساسوري

انا ( منفجع ) : الحين بالله عليكم ؟ من وين لقيتو هالسرير ؟؟ 0_0 3 بواحد
ساسوري ( يرتب باقي الاغراض ) : والله هذا السرير على قد فلوسنا
ايتاشي : وش رايك فيه خطير .. بالله الخير من اختياري الله يحفظني ^^
اانا : -_- اكيد ان هالسرير اي كلام ... نومه ولا نومتين وينكسر .. بعدين انا اللي بنام فوق @_@
ساسوري : لا ياحبيبي ماحزرت .. انت نمت اليوم وانا نروح ونتعنى الصبح ونضيع بالزحمه واخرتها تنام فوق
ايتاشي : انا اللي شلت اللسرير مفروض انا انام فوق
انا وساسوري : مافي طويل ينام فوق @_@
ايتاشي : -_- الله بالخيررررررررر
امو : مرحبا ياشباب .. وناسه غرفتكم جنب غرفتنا .. ديدارا وش رايك بالغرفه حقتنا ؟؟؟
انا ( القى نظرتي الثاقبه << برا ) : ماشاء الله وش هالغرفه اللي كانها معجون اسنان ... حلوة مره ^^
امو : بس انا عندي مشكله .. ابي احد يصلحني اللمبه ماقدرت اطولها حتى بالسلم
انا : بسيطه .. ايتاشي حلال المشاكل
ساسوري : يللا يابطل تحرك .. انت ماشاء الله تنافس ناطحات السحاب
ايتاشي ( قام وهو يتحلطم) : ياربي الطويل ماينام فوق .. الطويل يصلح اللمبات .. اتعقد نفسيا مثلا ؟؟
ساسوري : انت تعقد ديره بسم الله عليك هههههههههههههههههههههههه
ساكورا :في احد قصير هنا يقدر يدخل بفتحه التهويه .. في مشكله ابي احد يساعدني
انا : طبعا فيه ساسوري ههههههههههههه
ساكورا : يللا لو سمححت الحقني ضروري .. ولا تقول لا ترى اقول لابوي @_@
ساسوري ( لحق ساكورا لغرفتها ) :-_-
انا : كفو ساكورا اكرفيه يستاهل
ساكورا : لاتخاف مابقصر ^_*
ساسوري : حسابك لما اخلص استنى شوي انت
انا : احسن شي الحل الوسط محد يبيه هههههههههههههههههههههههه وناسه

في المطبخ

كوشينا : ^^
سايا : والله ظهري عورني من الشغل ياكوشي ... ايش هذا اول يوم 0_0 ماامداهم خربو وكسرو الدنيا ... ماشاء الله
كوشينا( ماسكه دايشي وجالسه على طاوله المطبخ ) : سامحينا والله تعبانكي معانا .. ياولد لاتحوس الدنيا @_@
دايشي ( يسكر باب الثلاجه ويفتحه ويسكر باب ) : ماحثت والله العظيم البيت والله حوثه ههههههههههههههههههههه ( ويطلع برا المطبخ)
سايا ( فصخت النعال ) : ياحمااااااااار رجع العصير @_@ .. ياربي ولدك هذا بيجنني .. ويتدلع بعد خايث وخايث .. هاوشيه قولي
له ينطق الكلمات عدل
كوشينا ( نزلت راسها ) ..... هو مايقول كذا دلع .. صار له حادث وهو صغير .. ابوه دفه من الدرج وطاح على لسانه
ومن عقبها ماقام يتكلم زين
سايا ( تصب لكوشينا مويا ) : انا اسف ياقلبي ماقصدي اذكرك ... الا قولي لي وش بتسوين ..؟؟ انتي مالك اغراض .. وملابسك كلها هناك
في بيت زوجك
كوشينا : الحمدلله .. وانا طالعه .. كانت محفظتي وفلوسي معي .. بس انا خايفه ..ارجع .. ابي اوراقي وابي اغير شغلي ..علشان مايلحقني
هناك
سايا : لاتخافين ولاتروحين هناك لحالك .. فرسان الغابه الخضراء - المطفرين - بيروحون معاك .. مو انتي قايله المفتاح وياك ؟؟ خلاص
خذي واحد من هالمجانين على اساس يساعدك طيب ؟؟؟
فوبوكي ( يدخل المطبخ وبيده العصير): وانا جاهز بالتمام والكمال .. مشتهي اسوي فلم هندي واسير فاروخان - شاروخان- (و يفتح الثلاجه)
سايا : خير وش عندكم متسلطين على الثلاجه ..تفتحونا وتسكرونها .. من وين جاي انت @_@
فوبوكي : كنت فارا من العمل فوق .. ادري بو الهول بيلعن خيري - يعني بيذبحني -
جوينجي ( يمسك قميص فوبوكي من ورا ) : كنت فارا وانا القطو اللي جاي اوريك شغل الله .. الحين انا انكسر ظهري وانا اشيل واحط
وانت تقول دقيقه بروح الحمام .. وتخليني ؟؟ بعدين مين ابو الهول ها ؟
انا (نازل وفتحت الثلاجه ) : زين ججتو -جوينجي - يستاهل بو لسانين هذا طقه طق لاتقصر فيه
فوبوكي : ترى الشماته عند الباب - يعني تححق بسرعه - اوريك .. يللا كوشينا نمشي نروح نسعى نذهب ؟
انا : ايش هذا برنامج حروف والوف
سايا( تسكر الثلاجه) :سكرو الثلاجه وجع .. بحط رقم سري للثلاجه.. بعدين نبي احد يروح وياكوشينا يجيب اغراضهامن البيت .. وخايفين
زوجها في البيت ...
انا : يللا تمام انا جاهز مستعد^^
فوبوكي :وانا معا.. ( يضربه جوينجي )@_@
جوينجي : انت استريح .. انا بروح معاها .. روح رتب الغرفه
فوبوكي : ليه .. انا اللي قايل من قبل ....
جوينجي : يللا كوشينا ... توكلنا على الله
كوشينا : والله اخاف اتعبكم معي
فوبوكي :وانا ؟؟؟
سايا : انت روح امسك دايشي ياولد وتسوي حسنه
فوبوكي: -_- اخرها اسير مربيه حسبيا الله

ويوم طلعنا عند الباب

كوشينا ( تتنافض من الخوف ) : ..........
جوينجي : يابنت الحلال مب صاير لك شي لاتخافين
انا : افا عليك معاك ددور المشهور وتخافين والله العظيم مايلمسونك
جوينجي : شفتي كيف .. ادري انه كذاب بس مشيها ماعليه
كوشينا ( ضحكت ) : ههههههههههههههههه
شوكي : على وين ان شاء الله
انا : البيت بيتك وانا ماادري @_@
شوكي : شانكس امرني احرس البيت
جوينجي ( فتح الباب بيطلع ): وش رايك تجي معانا ونعطيك لحم ؟؟؟
شوكي : يللا مشينا على بركه الله ( سبق جوينجي على الباب )
انا : وش نبغى بهالكلب والله بيفضحنا -_-
جوينجي : هههههههههههه بيت فاشل .. يللا اشوف امشو
كوشينا :مااعرف كيف اشكركم صراحه
انا : لسه ماسوينا شي بعدين اشكرينا ..( ومن الحماس صكيت الباب ) @_@اوبس اح اي ^^
كوشينا : الله يستر بس

*******************************************
ياترى وش بيسير لجوينجي وددور ؟
وهل فوبوكي بيتحمل دايشي الخبل ؟
وربعنا اتوش وساسوري بيقومون بالتصليحات على اتم وجه ؟؟
تابعونا في البارت الثاني من الحلقه
akatsuki boy

: بيت الطفرة من تأليف akatsuki boy

:
بيت الطفرة من تأليف akatsuki boy